| Բովանդակություն * | Համայնքապետարանի նիստերի դահլիճում տեղի ունեցավ հերթական խորհրդակցություն:Քննարկվեցին գյուղական բնակավայրերում կատարված ու սպասվելիք աշխատանքները։ Մինչև հուլիսի 20-ը Արզական գյուղում սպասասրահ կտեղադրվի, մինչև հուլիսի 10-ը Ալափարսում լուսավորության նոր լամպեր կտեղադրվեն, մինչև շաբաթվա վերջ կարգի կբերվի Կարենիսի կանգառը, մինչև օգոստոսի վերջ էլ այստեղ լուսավորության 9 հենասյուն կավելանա, Ֆանտանում ևս շարունակվում են լուսավորության համակարգի վերականգնման աշխատանքները։ Բջնիում և Արզականում մեկնարկել են մանկապարտեզների ևս մեկ խմբասենյակների վերանորոգման աշխատանքները։ Աղբահանությունը գյուղական բնակավայրերում և հատկապես Աղվերան հանգստի գոտում կանոնավոր է կատարվում, մինչև ամսվա վերջ էլ կբերվեն նոր աղբամաններ, որոնք կտեղադրվեն գյուղերի տարբեր մասերում։ Լայնածավալ սանմաքրման աշխատանքներ են կատարվում բոլոր գյուղական բնակավայրերում։ |