Բովանդակություն * | Համայնքապետարանում այսօր կայացավ խորհրդակցություն։ Համայնքի ղեկավար Հակոբ Շահգալդյանը նախ անդրադարձավ հարկերի հավաքագրման գործընթացին, տվեց հանձնարարություններ վարչական ղեկավարներին և առևտրի, սպասարկման, եկամուտների հաշվառման և հավաքագրման բաժնի պետին՝ նշելով, որ պետք է ամեն ինչ անել բյուջեի 100 տոկոսանոց կատարողականն ապահովելու համար։ Այնուհետև քննարկվեց աղբահանության հարցը։ Աղբի վարձի հավաքագրման առումով խնդիրներ կան գյուղական բնակավայրերում։ Վարչական ղեկավարները նշեցին, որ աշխատանքներ են տարվում գյուղերի բնակիչների հետ, որպեսզի ժամանակին վճարվեն աղբի վարձերը։ Մինչև ձյան գալը համայնքի բոլոր բնակավայրերում սանմաքրման աշխատանքներ կտարվեն։ Կարենիսում կտեղադրվեն լուսավորության նոր հենասյուներ, գյուղի որոշ մասերում հողհարթեցման աշխատանքներ կտարվեն։ Զարգացման ծրագրերի և տեղեկատվական տեխնոլոգիաների բաժնի պետն էլ զեկուցեց, որ Եվրամիության ֆինանսավորմամբ հաջորդ ամսվանից համայնքի Արզական և Բջնի բնակավայրերում զբոսաշրջության զարգացման ծրագիր է իրականացվելու, ստեղծվելու է զբոսաշրջության ասոցիացիա։ Խորհրդակցության ընթացքում քննարկվեցին նաև գյուղական բնակավայրերում այլ ընթացիկ աշխատանքներ։ |