Բովանդակություն * | Համայնքապետարանում երեկ կայացավ խորհրդակցություն։ Համայնքի ղեկավարը տոնական օրերի հետ կապված մի շարք հանձնարարականներ տվեց։ Քննարկվեցին աղբահանության և գիշերային լուսավորության ժամանակացույցերը։ Աղբահանություն կկատարվի դեկտեմբերի 30-ին, 31-ին և հունվարի 2-ին։ Լուսավորության համակարգը կաշխատի ամբողջ գիշեր մինչ հունվարի 6-ը, քաղաքի տոնական զարդարանքը կմնա մինչև Հին նոր տարի։ Չարենցավանի երաժշտական և արվեստի դպրոցները, մարզադպրոցը կաշխատեն հունվարի 8-ից, Արզականի արվեստի դպրոցը կաշխատի փոտրվարի 3-ից։ Բոլոր մանկապարտեզները կաշխատեն փետրվարի 3-ից, բացառությամբ «Լուսաբաց» մանկապարտեզի, որն իր աշխատանքները կվերսկսի մարտի 2-ից։ Համայնքի ղեկավար Հակոբ Շահգալդյանը նշեց, որ 2019թ-ը բարեհաջող տարի էր համայնքի համար, մի շարք կարևոր ծրագրեր կյանքի կոչվեցին, ձեռք բերվեցին նոր համագործակցություններ։ Վերջում համայնքի ղեկավարը հանձնարարեց բյուջեի ցուցանիշները հասցնել 100 տոկոսի, որպեսզի տարին ավարտեն բյուջեի ամբողջական կատարմամբ։ |