Բովանդակություն * | Համայնքի ղեկավարի մոտ կայացած հերթական խորհրդակցությանը մասնակցում էին համայնքապետարանի բաժինների պետերը, վարչական ղեկավարները, համայնքային ոչ առևտրային կազմակերպությունների տնօրենները: Քննարկվեցին ընթացիկ մի շարք հարցեր, որոնցից կարևորագույնը, թերևս, աղբահանության կանոնակարգումն էր զբոսաշրջության կենտրոններ համարվող Աղվերանում և Բջնիում: Համայնքի ղեկավար Հակոբ Շահգալդյանը տեղակալ Վարդգես Չիլինգարյանին, Բջնիի վարչական ղեկավար Հովհաննես Անդրեասյանին, Արզականի վարչական ղեկավար Լիպարիտ Մարգարյանին հանձնարարեց զրուցել հյուրանոցների, հյուրատների, հանգստի գոտիների ղեկավարների հետ, որպեսզի նրանք ևս կնքեն աղբահանող ընկերության հետ պայմանագիր և կանոնակարգեն աղբահանությունը: 10-օրյա ժամկետում պատասխանատուները խոստացան լուծում տալ խնդրին: |