Բովանդակություն * | Այսօր համայնքի ղեկավար Հակոբ Շահգալդյանն անցկացրեց խորհրդակցություն համայնքապետարանի բաժինների պետերի, սպասարկող ՀՈԱԿ-ների տնօրենների և վարչական ղեկավարների մասնակցությամբ. քննարկվեցին ընթացիկ աշխատանքները: Համայնքի ղեկավարի տեղակալ Վարդգես Չիլինգարյանը նշեց, որ արդեն հստակեցված են այն շենքերը, որոնց հարթ տանիքներն այս տարի կհիմնանորոգվեն, մյուս շաբաթվանից համայնքի տարածքում կտեղադրվեն նստարաններ, նոր աղբամանները կտեղադրվեն հունիսի վերջին: «Մշակույթ» ՀՈԱԿ-ի տնօրեն Արթուր Աբգարյանը նշեց, որ մայիսի 24-ից աշխատում է կենտրոնական հրապարակի շատրվանը, խոտերի հնձման աշխատանքներն ընթացքի մեջ են: Վարչական ղեկավարների հետ քննարկվեցին գյուղերում ասֆալտապատման և դաշտամիջյան ճանապարհների հարթեցման աշխատանքները, ամռան ամիսներին ավելի ճկուն ժամանակացույցով աղբահանություն կազմակերպելու հարցը: Համայնքի ղեկավարը տվեց հանձնարարություններ ներկաներին: |