Անցնող մրցաշրջանը գոնե անկախության տարիներին լավագույնն էր հայկական շաշկու պատմությունում։ Մեր մարզիկները մասնակցեցին անհամեմատ շատ միջազգային մրցաշարերի, գրավեցին մրցանակային տեղեր, իսկ Երեւանում առաջին անգամ անցկացվեց աշխարհի գավաթի խաղարկության փուլերից մեկը։ Մինչդեռ ընդամենը մի քանի տարի առաջ նման աշխուժացում դժվար էր պատկերացնել։ Կտրուկ տեղաշարժի եւ այլ հարցերի շուրջ է մեր զրույցը Հայաստանի շաշկու եւ ռենձյուի ֆեդերացիայի նախագահ Ալբերտ Պողոսյանի հետ։ –Ինչպե՞ս հաջողվեց նման հագեցած մրցաշրջան անցկացնել։
–Տարին, իրոք, հաջող էր մարզական բոլոր առումներով. վերջին մի քանի տասնամյակներին նման արդյունքներ չէինք ունեցել։
Տեղերում էլ շատ են կազմակերպվում տարբեր մրցաշարեր։ Ի դեպ, այս տարի հիմնեցինք Կոտայքի մարզի շաշկու ֆեդերացիա, խմբեր Հրազդանում եւ Չարենցավանում։ |